மொபைலில் எச்சரிக்கும் எஸ்.ஓ.ஆர்., (SOR) சாப்ட்வேர்


தூத்துக்குடி: இந்திய மீனவர்கள் இலங்கை கடல் எல்லையை தாண்டினால் மீனவர்கள் மொபைல் போனில் எச்சரிக்கை செய்யும் புதிய சாப்ட்வேரை, தூத்துக்குடி இன்ஜினியர் ரெசிங்டன் அறிமுகம் செய்தார்.
எல்லை தாண்டி மீன் பிடித்து பிற நாட்டு படையினரால் கைது செய்யப்படும் அவலத்தை தவிர்க்க முடியும். புதிய சாப்ட்வேர் அறிமுகம்:இந்திய- இலங்கை மீனவர்கள் தங்களது கடல் எல்லைகளை தாண்டி மீன் பிடிப்பதால் இரு தரப்பினரும் பாதிக்கப்பட்டு வருகின்றனர்.
கடலில் மீன் பிடிக்கும் மீனவர்களுக்கு எல்லைக்கோடு குறித்து தெரிவதில்லை. இதன் காரணமாக எல்லை மீறுவது நடந்து வருகிறது.
இதனை தவிர்க்கும் பொருட்டு மீனவர்கள் தங்களது கடல் எல்லையை தாண்டும் போது, அவர்களது மொபைல் போனில் எஸ்.ஓ.ஆர்., சாப்ட்வேர் டவுன் லோடு செய்திருந்தால், அது எச்சரிக்கை ஒலியினை எழுப்பும். மீனவர்கள் உஷராகி, எல்லை மீறாமல் மீன் பிடிக்க முடியும். இதற்கான சாப்ட்வேரை தூத்துக்குடி, பெரைரா தெருவை சேர்ந்த இன்ஜினியர் ரெசிங்டன் கண்டறிந்துள்ளார். இதனை அவர் நேற்று அறிமுகம் செய்தார்.
ரெசிங்டன் தெரிவித்ததாவது:
தமிழகத்தில் ஏழு லட்சம் மீனவ குடும்பங்கள் உள்ளன. இவர்களது தீராத பிரச்னை இலங்கை கடல் எல்லைக்குள் நுழைவதால், அவர்களது கடற்படையினரால் கைது செய்யப்படுகின்றனர்.
இதற்கான தீர்வு வேண்டும், என இரவு பகல் பாராது அயராது பாடுபட்டு மூன்று ஆண்டுகளுக்குப்பிறகு இந்த எஸ்.ஓ.ஆர்., சாப்ட்வேர் கண்டறிந்துள்ளேன்.
இந்திய- இலங்கை கடல் எல்லை:
இந்த இரு நாடுகளுக்கிடையேயான கடல் எல்லைக் கோடு வங்காள விரிகுடா,மன்னார் வளைகுடா,பாக் வளைகுடா ஆகியவற்றை கொண்டதாகும்.
எல்லைக்கோடு ஐக்கிய நாடுகள் சபையின் முன்னிலையில் 1974 ல் வரையறை செய்யப்பட்டது.1,095 கி.மீ., நீளம் கொண்டது. கடலளவில் 591 நாட்டிக்கல் மைல் கொண்டது. இது கடலில் கண்ணுக்கு புலப்படாத கோடு, என்பதால் மீனவர்கள் சிரமப்பட்டு வருகின்றனர்.
டவுன்லோடு செய்யலாம்:
கூகுள் பிளே ஸ்டோரில் இந்த எஸ்.ஓ.ஆர்., சாப்ட்வேர் உள்ளது. பேஸ்புக், வாட்ஸ்அப், போல் இதனை மீனவர்கள் தங்களது ஆன்ட்ராய்டு மொபைலில் இலவசமாக டவுன்லோடு செய்து கொள்ளலாம். தங்கள் மொபைலில் டவுன்லோடு செய்த பின்னர், எந்த பயமும் இன்றி கடலில் மீன் பிடிக்கலாம்.
எச்சரிக்கை செய்யும்:
மீனவர்கள் கடலில் மீன் பிடிக்கும் போது இலங்கை கடல் எல்லைக்கு முன்பாக ஒன்னரை கி.மீ., தூரத்தில் எச்சரிக்கை கோடு அமைக்கப்பட்டுள்ளது. இந்த இடத்தை படகு அடையும் போது, மொபைலில் மஞ்சள் வண்ணத்தில் எச்சரிக்கை அறிவிப்புடன், ஒலி எழுப்பும்.
அதனை தாண்டி அந்த படகு இலங்கை எல்லைக்கோட்டை தாண்டும் போது,சிவப்பு வண்ணத்தில் “வெளியே’ என எச்சரிக்கையுடன், ஒலியினை எழுப்பும்.
இந்த சாப்ட்வேரில் ஒரு திசை காட்டும் கருவி உள்ளது. இது வேலை செய்ய எவ்வித இணையதள வசதியும்,மொபைல் சிக்கனலும் தேவையில்லை. மொபைல் ஆப் லைனில் இருந்தாலும் செயல்படும் விதமாக வடிவமைக்கப்பட்டுள்ளது.

Thanks to
http://therinjikko.blogspot.in

பேஸ்புக் அக்கௌன்ட் வைத்திருந்த நபர் இறந்த பிறகு பேஸ்புக் அக்கவுண்ட் என்னவாகும்?


பேஸ்புக் அக்கவுண்ட் வைத்துள்ள ஒருவர் இறந்த பின்னர், அவரின் அக்கவுண்ட்டிற்கு என்ன நேரிடுகிறது?
பொதுவாக, இறந்தவரின் குடும்பத்தினர், அவரின் பேஸ்புக் அக்கவுண்ட், அவரின் புகைப்படம், அவர் பதித்த புகைப்படங்கள், தெரிவித்த தகவல்கள் என அனைத்தும், தொடர்ந்து உயிர்ப்புடன் இருக்கவே விரும்புவார்கள்.
பேஸ்புக், அக்கவுண்ட் ஒன்றை, அதற்கானவரின் மரணத்திற்குப் பின்னால், நினைவாக வைத்திருக்க வழி தருகிறது. இதனை memorialized அக்கவுண்ட் என அழைக்கிறது.இந்த வகை அக்கவுண்ட் வழக்கமான அக்கவுண்ட் போஸ்டிங்கிலிருந்து வேறுபட்டது.
இந்த அக்கவுண்ட்டில் யாரும் லாக் இன் செய்திட முடியாது. புதியதாக எந்த ஒரு நண்பரின் வேண்டுகோளும் ஏற்றுக் கொள்ள இயலாது. இந்த அக்கவுண்ட்டில், அதனை உருவாக்கியவரின் தனிப்பட்ட செட்டிங்ஸ் பாதுகாக்கப்படும்.
எனவே, இறந்தவரின் அக்கவுண்ட்டிற்கு, அவருடைய நண்பர்கள், டைம்லைனில், தகவல்களைப் பதியலாம். குடும்பத்தினர் மற்றும் உறவினர்கள், அதில் தங்கள் நினைவுகளைப் பகிர்ந்து கொள்ளலாம். பிரைவேட் மெசேஜ் எனப்படும் தனிப்பட்ட தகவல்களையும் பகிர்ந்து கொள்ளலாம்.
இறந்தவர் பகிர்ந்து கொண்ட தகவல்கள் அப்படியே வைக்கப்படும். நண்பர்கள் அவற்றை எந்த நேரத்திலும் பார்க்கலாம். போட்டோக்கள், ஸ்டேட்ட்ஸ் அப்டேட் தகவல்கள், லிங்க்ஸ், வீடியோஸ் இன்னும் பிற நண்பர்களின் பார்வைக்கு எப்போதும் கிடைக்கும்.
இருப்பினும், நண்பர்களுக்கு சிறப்பு நிகழ்விற்கான நினைவுக் குறிப்புகள் கிடைக்காது. நீங்கள் அறிந்த நண்பர்கள் என்ற பட்டியலில், இறந்தவரின் பெயர் இருக்காது.
அக்கவுண்ட் ஒன்றை நினைவக அக்கவுண்ட்டாக அமைக்க,
http://www.facebook.com/help/contact/305593649477238

என்ற முகவரியில் உள்ள விண்ணப்பத்தினை, இறந்தவர்களின் உறவினர்கள் அல்லது நண்பர்கள் நிரப்பி அனுப்பவும்.
இதில் கேட்டுள்ள இறப்பு சான்றிதழ்களையும் அனுப்ப வேண்டியதிருக்கும். இல்லை எனில், நம் மக்கள் உயிரோடு இருக்கிறவர்களின் நெருங்கிய உறவினர் என பொய்யாக, விண்ணப்பத்தினை அனுப்பிவிடுவார்கள் இல்லையா!

Tnq

windows-டாஸ்க் மானேஜர்


விண்டோஸ் இயக்கத்தில் நமக்குப் பல இக்கட்டான சூழ்நிலைகளில் பயன்படுவது அதன் டாஸ்க் மானேஜர் பயன்பாடு. இதன் பலமுனைச் செயல்பாடுகளை இங்கு காணலாம்.
விண்டோஸ் இயக்கத்தில் டாஸ்க் மானேஜர் பெற, Ctrl+Alt+Delete கீகளை அழுத்தி, டாஸ்க் மானேஜர் விண்டோவினைப் பெறவும். டச் ஸ்கிரீன் விண்டோ கொண்ட டேப்ளட் பயன்படுத்தினால், சர்ச் கட்டத்தில், Task Manager என டைப் செய்து, அதில் Task Manager என்னும் ஐகான் மீது கிளிக் செய்திடவும்.
விண்டோஸ் 7 மற்றும் விஸ்டா இயக்கத்தில், டாஸ்க் மானேஜர் பாப் அப் ஆகும்.
இந்த விண்டோவில், Applications டேப்பில் கிளிக் செய்தால், உங்கள் பெர்சனல் கம்ப்யூட்டரில் இயங்கும் அனைத்து புரோகிராம்களும் காட்டப்படும். கம்ப்யூட்டர் வழக்கமான வேகத்தில் இயங்காமல், மெதுவாக இயங்கினால், இந்த டூலை நாம் பயன்படுத்த வேண்டும். சில வேளைகளில், ஒரே புரோகிராமினை அடுத்தடுத்து புதியதாக இயக்கி, ஓட விட்டிருப்போம். பல வேளைகளில் இது நடைபெறும். புரோகிராம் ஐகானில் கிளிக் செய்து, அந்த புரோகிராம் கிடைக்கவில்லை என்றால், தொடர்ந்து பலமுறை அதே ஐகானில் கிளிக் செய்திருப்போம். இதனால், அது பலமுறை இயக்கப்படும். இதனை அப்ளிகேஷன்ஸ் டேப்பில் அறிந்து, தேவையற்றதனை நிறுத்தலாம். புரோகிராமினைத் தேர்ந்தெடுத்து End Task பட்டனை அழுத்த, அந்த புரோகிராம் நிறுத்தப்படும்.
ஏதேனும் ஒரு புரோகிராம், லாக் ஆகி, இயங்காமல் நின்று விட்ட நிலையில், மூடவும் முடியாத நிலை ஏற்படும். அப்போது அந்த புரோகிராமினை நிறுத்த இதுவே சரியான வழி.
இன்னும் பல பயன்களை டாஸ்க் மானேஜரில் பெறலாம். Processes என்னும் டேப்பில் கிளிக் செய்திடவும். இப்போது, பின்னணியில் நாம் அறியாமல் இயங்கும் புரோகிராம்களும் காட்டப்படும். அனைத்து புரோகிராம்களும் பயன்படுத்தும் சி.பி.யு.வின் திறன், மெமரி என்னவென்று இங்கு அறிந்து கொள்ளலாம். இதன் மூலம், கம்ப்யூட்டரில் நமக்குக் கொஞ்சம் கூடத் தேவையில்லாத புரோகிராம் ஏதேனும் ஓடிக் கொண்டிருந்தால் அறிந்து, அதனை நிறுத்தலாம். புரோகிராம் பெயரில் கிளிக் செய்து அதனைத் தேர்ந்தெடுத்து, பின்னர் End Process என்பதில் கிளிக் செய்தால், புரோகிராம் உடனே நிறுத்தப்படும்.
டாஸ்க் மானேஜரில், Services என்பதனைத் தேர்ந்தெடுத்தால், நம் கம்ப்யூட்டர் இயக்கும் சர்வீஸ் புரோகிராம்களைக் காணலாம். சர்வீசஸ் என்பதுவும் அப்ளிகேஷன் புரோகிராம்களே. இவை, கம்ப்யூட்டரின் பின்னணியில் இயங்கிக் கொண்டிருக்கும். இவற்றை எளிதில் நம் கட்டுப் பாட்டில் கொண்டு வர முடியாது. எடுத்துக் காட்டாக, பிரவுசர் அப்டேட், ஆண்டி வைரஸ் அப்டேட் என்பன போன்ற வசதிகளைப் பெற, இவற்றின் அப்டேட் புரோகிராம்கள் இயங்கிக் கொண்டே இருக்கும். இதே போல் தான் ப்ளக் இன் மற்றும் தர்ட் பார்ட்டி பாதுகாப்பு புரோகிராம்களும்.
டாஸ்க் மானேஜரில், Performance என்னும் டேப்பினை கிளிக் செய்து கிடைக்கும் விண்டோ மூலம், நம் கம்ப்யூட்டரின் செயல் திறனைக் காணலாம். இந்த விண்டோவில், சி.பி.யு. பயன்பாடு, மெமரி மற்றும் இவற்றின் முந்தைய நிலைகளையும் அறியலாம். கீழாகக் கிடைக்கும் Resource Monitor என்பதில் கிளிக் செய்தால், மிக விரிவான தகவல்களைப் பெறலாம்.
Networking என்பதனைத் தேர்ந்தெடுத்து, நம் கம்ப்யூட்டர் வயர் மூலமாகவும், வயர் இல்லாமலும் இணைக்கப்பட்டிருக்கும் நெட்வொர்க் குறித்து அறிந்து கொள்ளலாம். Users டேப் கிளிக் செய்தால், கம்ப்யூட்டரைப் பயன்படுத்தும் பயனாளர்கள் குறித்து அறிந்து கொள்ளலாம். இங்கிருந்தே லாக் ஆப் செய்திடலாம்.
நீங்கள் விண்டோஸ் 8 அல்லது விண்டோஸ் 8.1 பயன்படுத்துபவராக இருந்தால், டாஸ்க் மானேஜர் சற்று வித்தியாசமாக இருக்கும்.
Startup என்ற டேப்பினைக் கிளிக் செய்தால், கம்ப்யூட்டர் இயங்கும்போதே, சிஸ்டத்துடன் சேர்ந்து இயங்கும் புரோகிராம்களைக் காணலாம். அவை எப்படி நம் கம்ப்யூட்டரின் அனைத்து வகை திறனையும் பயன்படுத்துகின்றன என்று அறியலாம். நமக்குத் தேவை இல்லாதவற்றை, Disable என்பதைக் கிளிக் செய்து அமைப்பதன் மூலம், நிறுத்தலாம்.

try{
Umobi.AdView({
pub:”admin@spvvivek1998wordpress”,
format_type:Umobi.AdFormatType.BANNER
});
}catch(e){}



உங்கள் போனில் போட்டோஸ் மற்றும் வீடியோவை ரகசியமாக வைக்க வேண்டுமா..?


உங்கள் போனில் போட்டோஸ் மற்றும் வீடியோவை ரகசியமாக வைக்க வேண்டுமா..?
ஸ்மார்ட்போன் வைத்திருக்கும் ஒவ்வொருவருக்கும் இருக்கும் பாரிய பிரச்சனையே தங்களுடைய ரகசியங்களை காப்பாற்றுவதுதான்.
புகைப்படங்கள், வீடியோக்கள் என அனைத்தையும் நமது ஸ்மார்ட்போனில் என்ன தான் லாக் செய்து வைத்திருந்தாலும், எளிதாக ஹேக்கர்களின் கைகளுக்கு சென்றுவிடுகிறது.
இதெற்கென எத்தனையோ ஆப்ஸ்-கள் வந்தாலும் அவை அனைத்தையும் எளிதாக கடந்து உள்ளே சென்று புகைப்படங்களை பார்க்க முடிகின்றது.கேலரியை லாக் செய்தால் எல்லா போட்டோஸுமே லாக் ஆகும். ஆப் லாக்போட்டு லாக் செய்தால் செட்டிங்ஸ்-ல் போய் ஃபோர்ஸ் ஸ்டாப் (Force Stop) செய்து ஆப்ஸை க்ளீன் போல்ட் ஆக்கி உள்ளே நுழைந்து விடலாம்..
நம் ஸ்மார்ட்போனுக்கு ஏற்ற ஸ்மார்ட் சேஃப் ஆப் -இன்று அதிகபட்ச ஸ்மார்ட்போன் யுசர்களால் டவுன்லோடு செய்யப்பட்டிருக்கும் மிகச் சிறந்த ஆப் தான் – கீப் சேஃப் ஆப்ஸ் (Keep Safe Vault).
நாம் எவ்வளவுதான் லாக்கிங் ஆப்ஸ் போட்டு கேலரியை பாதுகாப்பாக வைத்தாலும், சிலர் இலகுவாக உள்ளே நுழைந்து நம்ம கேலரியை பயன்படுத்துவார்கள்.
அப்படி நடக்காமல் இருக்க கீப் சேஃப் ஆப்ஸ்-ஐ இன்ஸ்டால் செய்வதுதான் சிறந்தது. இதை ஐ-போன், ஸ்மார்ட்ப ோன்களிலும் இன்ஸ்டால் செய்யலாம்.
இந்த ஆப்ஸ்-ஐ இன்ஸ்டால் செய்ததும் நமது இ-மெயில் கணக்கை வைத்து பதிவு செய்து ஆப்ஸ்-ஐ ஆக்டிவேட் செய்தால் போதும். நமக்கு தேவையான போட்டோஸ், வீடியோவை மட்டும் லாக் பண்ணி வைத்துக் கொள்ளலாம். இது மிகவும் பாதுகாப்பானதாக இருக்கும்.
கீப் சேஃப் ஆப்ஸ்-ன் ஸ்பெஷாலிட்டியே ஃபேக் பாஸ்வேர்ட் அன்ட் ஃபேக் பேக்ரவுண்ட் தான். யாராவது கீப் சேஃப் ஆப்-ஐ ஒப்பன் செய்தால் ஸ்கீரின் System Scan Complete-என்று தான் வரும். ஸ்கேனர்னு நினைத்து அவங்களும் அப்படியே விட்டு விடுவார்கள்.
ஆனா நமக்குதான் தெரியும் கீப் சேஃப் லோகோவை ப்ரெஸ் செய்தால் மட்டுமே பாஸ்வேர்ட் ஸ்கிரீனை ஓப்பன் செய்ய முடியும் என்று. அப்படியே அவர்கள் போனாலும் நம்பர் பாஸ்வேர்ட் போட்டால்தான் ஸ்கிரீனை ஓப்பன் செய்ய முடியும்.
இவற்றிலும் ஒரு உத்தி உண்டு. ஃபேக் பின் போட்டு நம்மால் உள்ளே போகமுடியும் ஆனால் உள்ள எந்த போட்டோஸ், வீடியோஸும் இருக்காது.
நமக்கு மட்டுமே தெரிந்த சீக்ரெட் பாஸ்வேர்ட் போட்டால் மட்டுமே கேலரி ஓப்பன் ஆகும்.
கீப் சேஃப் ஆப்ஸை தரவிறக்க இந்த link-ஐ பயன்படுத்தலாம்
http://bit.ly/1ohIbGh